حلم المهرجان
حللتم أهلا و نزلتم سهلا في الموقع الرسمي للمهرجان الدولي للشعر والزجل ، بتسجيلكم في الموقع تصبحون تلقائيا أعضاءا في "فضاء الشعراء" أكبر فضاء عربي يضم شعراء العالم . الرجاء اختيار رقم سري مكون من الأرقام والحروف حتى يصعب تقليده .
حلم المهرجان
حللتم أهلا و نزلتم سهلا في الموقع الرسمي للمهرجان الدولي للشعر والزجل ، بتسجيلكم في الموقع تصبحون تلقائيا أعضاءا في "فضاء الشعراء" أكبر فضاء عربي يضم شعراء العالم . الرجاء اختيار رقم سري مكون من الأرقام والحروف حتى يصعب تقليده .
حلم المهرجان
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.


منتدى ثقافي فني إعلامي شامل((((((((( مدير و مهندس المنتدى : حسن الخباز ))))))))))
 
الرئيسيةأحدث الصورالتسجيلدخول
لنشر اخباركم ومقالاتكم تسجلوا في المنتدى أو تواصلوا معنا عبر الواتساب +212661609109 أو زوروا موقعنا الالكتروني الرسمي
eljareedah.com
لنشر اخباركم ومقالاتكم تسجلوا في المنتدى أو تواصلوا معنا عبر الواتساب +212661609109 أو زوروا موقعنا الالكتروني الرسمي
eljareedah.com
لنشر اخباركم ومقالاتكم تسجلوا في المنتدى أو تواصلوا معنا عبر الواتساب +212661609109 أو زوروا موقعنا الالكتروني الرسمي
eljareedah.com

 

 بلا حشمة : الكتابة على الجدران و في الأماكن العمومية عند المغاربة

اذهب الى الأسفل 
كاتب الموضوعرسالة
سعد السعود




عدد المساهمات : 1959
تاريخ التسجيل : 19/12/2010

بلا حشمة : الكتابة على الجدران و في الأماكن العمومية عند المغاربة Empty
مُساهمةموضوع: بلا حشمة : الكتابة على الجدران و في الأماكن العمومية عند المغاربة   بلا حشمة : الكتابة على الجدران و في الأماكن العمومية عند المغاربة I_icon_minitimeالأحد 30 يناير - 18:04:30

بلا حشمة : الكتابة على الجدران و في الأماكن العمومية عند المغاربة



الدخلة: الكتابة على الجدران و في الأماكن العمومية بحال الطاولات ديال المدارس و في أبواب المراحيض...، منتشرة بزاف في المغرب و من زمان، حيث كانت وسيلة للتعبير و الإحتجاج فواحد الوقت، من بعد و لات وسيلة للشتم و السب، و كذلك وسيلة للإشهار، اليوم في بلاحشمة نشوفوا أش كا يكتبو المغاربة فالحيوط، و كي بدات هاد القضية، و علاش تتعبر ديك الكتابات واش هي ظاهرة محلية و لا عالمية، و باش ما يكونش لبس و ما يفهموهش الناس غلط، راه مكانهدروش في هاد الموضوع على لكرافتي اللي هو فن و فن ديال بصح.

سنستعمل في بعض العبارات كلمت " الطييييييييت" محيت وخا بلاحشمة دوك الكلمات خاص ما نقولهمش.



1/ كرونولوجيا خفيفة للكتابة على لحيوط

يمكن أن نقول بأن الكتابة على لحيوط قديمة و قديمة بزاف، و تم إكتشاف كتابات في الكهوف تترجع للعهد الحجري، و بالنسبة لهاد الكتابة هي موضوع أخر.

إلى كان الناس ديال هادي شحال ما عندهمش فين إكتبوا من غير الحيط، أش كا يخلي الناس ديال هاد الوقت إديروها، على ما يبدوا غا دجرنا الهدرة مرة أخرى إلى ميريكان، حيث إنتشر فواحد الوقت و خصوصا لما كانت العنصرية نحو السود تبرز بشكل كبير في بلاد العام سام، الكتابة على الجدران ، و اللي كانت غالبها تحمل رسائل ضد العنصرية، و من بعد إنتشرات هاد القضية عبر العالم وولات الحيوط كلها تحمل خطابات سياسية خصوصا تلك لضد الأنظمة الحاكمة، نقدروا نقولو أن الأجيال اللي مرات من الستينات حتى لتسعينات، كانت الجدران هي المساحة الوحيدة للتعبير بدون قيود و لا مراقبة و حاجة مفهومة و عادية أنهم يكتبوا في الحيوط. و لكن اليوم و في 2011 اللي الأنترنيت موجود فيها و منتشرة في العالم كامل، و غرف الدردشة و المواقع و المنتديات، و الفايس بوك و تويتر، اللي تقدر دير فيهم أي حاجة و تعبر على أي فكرة بدون رقيب، أش كيخلي ناس مزال تكتب في الحيوط، و ماشي أي كتابة بل عبارات معندها تا معنى و لا أهمية.

و غالب الجمل اللي ولات اليوم على الجدران إما طلبات، أو أرقام هاتف، أو جمل غرامية، أو كلام ديال المعيور في حق الأشخاص.



2/ العبارات اللي تتكتب اليوم في الحيوط و الطاولات ديال المدارس و الطواليطات....

العبارات عديدة و متعددة حسب المكان، مثلا هناك عبارات نسموها إعلانية، أي واحد باغي إبيع شي دار و لا شي أرض و لا شي محل تجاري تيكتب فيها " للبيع الإتصال بالرقم التالي 0021206...."

كاين العبارات اللي عبارة عن طلبات، و هاذي منقسمة لجوج كاين اللي كا يكتبها بلباقة و كاين اللي كا يعاير فيها، و كا يديروها غالبا ملي تتكون قطعة أرضية أو منزل ما فيه تا شي حد." المرجو عدم رمي الأزبال هنا و شكرا"، " ممنوع البول هنا و شكرا" أو الشكل الأخر " اللي بال هنايا راه حمار"، اللي رما هنايا الزبل راه ولد طييييييييييت "، " يا طييييييييت ما تبولوش هنايا"....



كاين العبارات ديال السب و القذق، حيث كا يكونوا جوج ما متفاهمينش فواحد باش إشوه لخور كا يعايروا في الحيوط، كما كان ولد و لا بنت. " فلان بن فلان راه طييييت وولد لحرام"، "فلانة راه طييييت وها نمرتها 0021206"،" اللي بغا طيييت يتصل بهاد السيد 00212".....



عبارات أخرى كا نلقاوها فالحيوط، و بكثرة في طاولات ديال المدارس و هي العبارات الغرامية و رسائل الحب، و رسوم ديال قلب و فيه الحروف الأولى لشي سميات. " أحبك يا فلانة و لا أتخيل حياتي بدونك"، " أعشق النظر فيك " ، " وا كانبغييييييييك أبنت الناس"، في بعض الأحيان كا تكون رسائل كيكتبها واحد في الطاولة و كا يجي و كا يلقى الجواب تما، و في بعض الأحيان تتحول الطاولة لشبكة إعلانية تا هي، و لكن ديال شي حاجة فشكل، " أنا بنت باغا طييييت مع شي دري ها نمرتي"أو " أنا ولد كنقلب على بنت اللي بغات تتصل بي "، و كاين بزاف كتابات في المدارس اللي تتعاير في الأساتذة و الإدارة.



بالنسبة لبيبان ديال الطواليطات علام بوحدو كاع، أغرب الكتبات تا تكون تما، " أنا اليوم درت طيييت هنا على الساعة "، "اللي شاف هاد الكتبة راه طيييت"، "كاع نتوما و لاد الطيييت"، أما عند البنات فهي أكثر لطفا كتعبر فيها مثلا لحبها لشي حد أو تتعاير شي صحبتها دات ليها جمها ، و كذلك يستغلها المثلييين بزاف " حيث كا يقلبوا على اللي بحالهم و كا يسناو الرد ديالهم"....



الأمثال كثيرة و عديدة على العبارات اللي تتكون مكتوبة بهاد الطريقة، و تختلف من بلاصة الأخرى، و حسب بنادم و فاشك يفكر ديك اللحظة، أو الحالة اللي كا يكون فيها. و بعض المرات كاين تا رسومات اللي ما فيها ما يتشاف ديال أعضاء حساسة من الجسم.



3/ تعبير عن حالة نفسية

في علم النفس تا حاجة ما كا دوز و صافي ،و لا كا دارغير هكاك لله في سبيل الله، و هاد السلوك ديال الكتابة في الجدران و الطاولات و الأماكن العمومية، عندوا عوامل نفسية ديالو، و هاد السلوك نابع من نفسية الإنسان، و لمعرفة أكثر علايش كيعبر خاص دراسة البيئة الإجتماعية و النفسية ديال الشخص المقدم عليه، فبعض الأحيان كا يكون الميصاج المكتوب كما قولنا سابقا عدائي و ضد الأخرين، و أحيان أخرى كا يكون بمثابة تعبير عن إحباط كا يعيشو الإنسان أو بعض مشاكل اللي كا يعاني منها، و لهذا كيخوي داكشي اللي فقلبو في ديك الكتابات، خصوصا إلى ملقاش شكون يسمع ليه، و لا شكون يفهموا شنوا بغا يوصل، و في الكثير من الأحيان تا يتحول الميصاج إلى كلمات عنيفة و حاقدة، رغم أنه يقدر يوصل بطريقة غير ضريفة .



4/ فضاء للكتابة عن الثالوث المحرم

أي واحد يقدر يلاحظ ، أن الكتابات في الحيوط و الطاولات و الأماكن العمومية ، أغلبها كا يتناول مواضع الجنس، السياسة، الدين وخا بالنسبة لهاد الأخيرة بشكل قليل، و هاد المواضيع كا تسمى و يعتبرها المجتمع الثالوث المحرم، ما يعني إما عيب و لا حشومة و لا حرام و لا ما تقدرش تهدر فيها. هذا ما كيجعل الكثير يتمرد و يهدر فيها بسرية و بلا ما يتعرف عبر الحيوط و الطاولات، و كتحول إلى فضاء للكتابة عن الثالوث المقدس، و لكن في السنوات الأخيرة هاد النوع ديال الكتابات نقص و نقص بزاف، و هذا راجع لوجود الأنترنيت اللي يقدر إعبر فيه بنادم كيف بغا و على أي حاجة بغاها، و تعوض الحائط ديال الأماكن العمومية، بالحائط ديال الفايس بوك.



5/ كي كا يشوفوها لمغاربة

المغاربة كل واحد كي كايشوف هاد الظاهرة، كاين اللي كا يشوفها حاجة عادية، كاين اللي ما متفقش، و كاين اللي كا يشوفها عبارة عن تعبير، و تختلف الفكرة من شخص لأخر و من جيل لجيل، لهذا حنا خدينا أراء ديال ناس من المجتمع المغربي و كانت الأراء مختلفة كالتالي:



أمين كنون/ أول حاجة راه كتبتي و لا مكتبتيش أصلا هداك اللي غا يجي مثلا يبغي إبول على الحي طراه ما قاريش و ما عارفش أش مكتوب تما .أما بالنسبة للطلبة و التلاميذ فإنها حالة فراغ كا يدوزوا منها، حيت أصلا الأستاذ و المعلم كا يكون بعيد على التلميذ و ماشي قريب ليه، ما يعني كا يخلي الواحد يدير أي حاجة و الكثير كا يمشيو يكتبو مثلا في الطاولات غير باش يدوز الوقت. و للعلم أن المغرب البلاد الوحيد اللي عندو في المدارس و الأماكن العمومية الحيوط ديالهم بويض، كا يشهيو بنادم يكتب فيهم، بنادم غادي الإدارة و لا المدرسة بحال إلى داخل شي ضريح، لكان كانو شي حيوط زوينة كاع ما تلقى فيهم الكتبة، و لكان أصلا كاين مراحيض عمومية في الشوارع، بنادم ما غا يبولش في الحيوط، ما يعني تا واحد ما غا يكتب ديك ممنوع البول.



سوسان حسن/ في برا على هاد البلاد السعيدة بالنسبة لهم الكتابة في الحيوط فن، و لكن لمغاربة ديالنا أي كبت كا يعاني منو شي حد كيعبر عليه في الحيط.و حتى إلى جنا نقولو أنه في بعض المرات تتكون طريق للإحتجاج، فهاد الطريقة ما بقاتش واكلة و الزمان تبدل الإنسان خاص دبا يواجه و يقول أش عندوا ماشي يكتب و يتخبع بحال شي فار، على العموم دوك الكتابات في الحيوط و الطواليطات كا يجيوني باسلين. غير الدراري ديال لكرافتي اللي كا نقولهم برافو، محيت كا يديرو فن ديال بصح.



هجر/ أنا مع هاد الكتابات في الحيط، حيت بالنسبة ليا تعتبر نافذة للتعبير على الأفكار ديالنا و المتطلبات ديالنا و هي وسيلة سهلة حيت يمكن توصل ميساج لبزاف ديال الناس، و أنا كنحترم أي ميصاج كما كان كيعبر على فكرة و لا طلب.

بالنسبة للكلام الخاسر و تخسار الهدرة في الكتابات فهو تعبير على المكبوتات، و اللي ما كيلقاش بنادم فين إعبر عليها غير داك الحيط و لا الطاولة و لا بلاصة أخرى.



6/ واش ظاهرة محلية و لا عالمية

الكتابة على الجدران، ظاهرة عالمية ماشي غير في المغرب اللي كاينة ، بل جميع دول العالم كاين هاد القضية، و يكفي تزور أي مرحاض عمومي في أي دولة ، إما إفريقية و لا أوربية و لا أمريكية و لا أسياوية غا تلقى نفس الشيء، بل نقدروا نقولوا أن المغرب ما منتشراش فيه بكثرة بحال بعض الدول الأخرى خصوصا ديال أمريكة اللاتنية و أوربا الشرقية، و الكتابة في الأماكن العمومية هي عادة لا حدود لها.





























خرجة: هاد الستون، في بعض الحالات كا يكون سلبي و بزاف و يؤثر على جمالية المدينة و الديكور ديالها، لهذا من الأحسن يتفادها بنادم، فمثلا اللي كا يبيع شي دار و لا قطعة أرضية و لا محال ما فيها باس إدير بلاكا تكون باينة عوض الكتابة فالجدران، أما اللي عندوا هاد القضية هواية عوض ما يدير داكشي عشوائي ، يمشي إتعلم و يشوف الناس اللي كا يديرو لكرافتي و يديرو تا هو، لأن الكرافتي فن راقي كيعتمد على الرسم و الكتابة في الحيوط بطريقة جميلة كتعطي واحد الجمالية للمدينة. أما صحاب المعيور و دوك الجمل اللي ما فيها ما يتشاف من الأحسن إشوفوا طبيب نفسي.
الرجوع الى أعلى الصفحة اذهب الى الأسفل
 
بلا حشمة : الكتابة على الجدران و في الأماكن العمومية عند المغاربة
الرجوع الى أعلى الصفحة 
صفحة 1 من اصل 1
 مواضيع مماثلة
-
» حفاظًا على رونق المنزل نصائح بسيطة لتنظيف الجدران المطلية
» طولتي فانعاسك...و اسكاتك...
» طقوس المبدعين في الكتابة
» توقيف المدعو جلال المغربي عن الكتابة في " هبة بريس"
» ها فلوس الشعب فين كاتمشي ، أجور مديري المؤسسات العمومية ، لا زين لا مجي بكري .

صلاحيات هذا المنتدى:لاتستطيع الرد على المواضيع في هذا المنتدى
حلم المهرجان :: ظواهر-
انتقل الى: