مـكوي بـحـر الـزمـان
ضحـكـت ليه وبـكـانـي
وامشيت عـالارض حفـيـان
بـاش نـدوب امـحـانـي
وسخـر مـنـي الانـسـان
بقـساوتـو زاد اقـصـانـي
تقـطـع اللباسي وعـرگَان
نجـمع فـصـوار مـعـانـي
حسدوني فهوايـا وهويـتـي
ونصيـب سـؤال مـطـروح
بـيـه نضمت احكـيتـي
وخـى زادونـي اجــروح
درتـو امـداد فـدوايتـي
وغـديـت بـيـه الـروح
فهمـي لقـيت راحـتـي
گَالـو هـادا مـريـوح
لبسـوني ثـوب لـهبـال
مرة يقصار ومـرة يـطـوال
حتى زارني فمنامي خـيـال
وسهـرني حـتـى الهـلال
گَالي لاتسول ولا تسـال
اهـبـالك ادوى للعـقـال
لوكـان صابـوه يطـوال
بـاش يخـرج منـك زجـال
ميلود ثلاثي "البيضاء"