حلم المهرجان
حللتم أهلا و نزلتم سهلا في الموقع الرسمي للمهرجان الدولي للشعر والزجل ، بتسجيلكم في الموقع تصبحون تلقائيا أعضاءا في "فضاء الشعراء" أكبر فضاء عربي يضم شعراء العالم . الرجاء اختيار رقم سري مكون من الأرقام والحروف حتى يصعب تقليده .
حلم المهرجان
حللتم أهلا و نزلتم سهلا في الموقع الرسمي للمهرجان الدولي للشعر والزجل ، بتسجيلكم في الموقع تصبحون تلقائيا أعضاءا في "فضاء الشعراء" أكبر فضاء عربي يضم شعراء العالم . الرجاء اختيار رقم سري مكون من الأرقام والحروف حتى يصعب تقليده .
حلم المهرجان
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.


منتدى ثقافي فني إعلامي شامل((((((((( مدير و مهندس المنتدى : حسن الخباز ))))))))))
 
الرئيسيةأحدث الصورالتسجيلدخول
لنشر اخباركم ومقالاتكم تسجلوا في المنتدى أو تواصلوا معنا عبر الواتساب +212661609109 أو زوروا موقعنا الالكتروني الرسمي
eljareedah.com
لنشر اخباركم ومقالاتكم تسجلوا في المنتدى أو تواصلوا معنا عبر الواتساب +212661609109 أو زوروا موقعنا الالكتروني الرسمي
eljareedah.com
لنشر اخباركم ومقالاتكم تسجلوا في المنتدى أو تواصلوا معنا عبر الواتساب +212661609109 أو زوروا موقعنا الالكتروني الرسمي
eljareedah.com

 

 واش عقلتو- سعيد الشفاج

اذهب الى الأسفل 
4 مشترك
كاتب الموضوعرسالة
said cheffaj




عدد المساهمات : 5
تاريخ التسجيل : 09/04/2011

واش عقلتو- سعيد الشفاج Empty
مُساهمةموضوع: واش عقلتو- سعيد الشفاج   واش عقلتو- سعيد الشفاج I_icon_minitimeالأحد 17 أبريل - 15:51:27

واش عقلتو


من البدا كتكون الصلاة على الحبيب
لي ترجى فيه الشفاعة
والصلاة عليك يا زين الطلعة
كتفاجي ساعة بساعة
واش واجدين
والواجدة من المربوحة
نجيب ليكم المذبوحة
وتر ضاو
غير كولو واش تعقلوا
على الأيام الزينة
ولي فات ما تعوضوا كنوز الأرض
ولا نجوم السما و الخزينة
واش عاقلين
والعقل تاج
لما كانت الجارة تبرك مع الجارة
ويديرو دوارة
كلام زين ما فيه ضسارة
وغنيو بالحنة و الصرايرمرزومة
واش تعقلو على الدفوع
والدراري تابعين الهدية
مي الغالية تشطح
ومي الضاوية ترضح
ومي وامك وشلا ماوات
كلهم فرحانات
واش تعقلو على شهر رمضان
الشهر الفتان
تيررا تيررا هذا عام الحريرة
كان يجي لافاور
وتطلع لنوار
هذا يلعب لعبة الفار
هدا عاجبو موطور خطر
هدا مرفوع
مع الراس المقطوع
وهدا قمار
واش ثعقلو على 81
شلا ضحايا مدفونين
والمدفع و الرشاش
والعسكر الأوباش
قتلو شلا أبريا
يا 81
انت في الفلب سكين
جرح سنين
الساعة دارو الانصاف و المصالحة
وعطاو الدية
واش الدية ترجع البنية
ثداوي الكية
ما كين باس
واش عقلتو على الكسكاس
والناس كتقلب على الفراجة
كان التلفزيون
كيبدا حتى يرجعو الدراري من السكويلة
وكانت الأخبار طويلة
وشوية ديال الميخيات
وكل حاجة منها حاجة
واش تعقلو
على التعليم
كان المعلم بحال الوزير
عندو شلا ما يدير
وكان المدير همة و شان
وعمل متقون
كانت الشكارة خفيفة
ساهلة ضريفة
والمدرسة بحال قشلة ديال العسكر
تحية العلم ..والطابلية والنضام.. واليد على الكتيف.. والجسم النضيف
كانت شوية ديال القباحة
في الدروج و الاستراحة
ولي ما حفظ الجدول و القران
الحفظ الله
واش تعقلو على لعب زمان
الكورة..وحرب العصابات.. وزدينيفري غير جري..وحفيرة والبي..
والنك والسينة
كانت الألعاب
حسب الفصول والتراب
لعب الشتا ما هو لعب الخريف
ولعب الربيع ما هو لعب الصيف
فينك يا زمان الحكاوي والحلقة
ها سيف دو اليزن
ها سيرة النبي العدنان
ها سيدنا علي و السيف البتار
ها عنترة العبسي
كانت الكلمة موزونة بالعبار
وكانت المرا لي ما عندها عشا
كتغني
نيني يا مومو.ختى يطيب عشانا..الا ماطاب عشانا يطيب عشا جيرانا
و الجرادة المالحة لي مشات صوالحة وكالت الصالحة والطالحة
وفؤاد لي لاحت مو في الواد
وشلا أغاني
واش تعقلو
على مدينة زوينة سماوها الدارالبيضا
كانت القبة قنديل كانت
une vraie ville
والبرانس بحال شي راجل أنيق
وباب مراكش كنز من كنوز التاريخ
كانت المدينة مرايا شوف فيها راسك
واش تعقلو على عين السبع و الحيوانات
وسيدي عبد الرحمن مول سبع موجات
والحي المحمدي
وسيدي عثمان
و البرنوصي القديم الدرب الأحمر والمعاكيز
وبلوك فريد
ودرب الفقرا و الانكليز
ودوز عاود الثاني
للحي الحسني
واش تعقلو على الأغاني
وعيون عيني .البراد والسينية والله يا مولانا وعلاش يا غزالي وكيف ايدير يا سيدي وحجبوك العدا يا ولفي وبارد وسخون وساعة سعيدة وشحال تسنيتك ما جيتي وضحك ولعب راه العمر قصير واش داك تمشي للزين
واش عقلتو على المسيرة
مشاو رجال و عيالات
صغار و كبار شعب الحسن ينادي بلسانك يا صحرا
فرخي يا أرض بلادي أرضك صبحت حرا...
واش عقلتو على جامع الخوت مولاي الحسن عمر ما يموت
السلطان قال كلمة و ما رجع فيها
الصحرا حقنا نموت عليها
وشعبو قرر بدم يرويها
الصحرا من قديم كتعيط على ماليها
واش عقلتو يا أهل المروة و الأحسان
على أيام العز أيام عويطة و نوال وخيري وما دار في البرتغال
الناس ليل و ما طال
كتفرج في سعيد
كان دم جديد
الناس كتبني المغرب بالسواعد
واش عقلتو يا سادة
خودو مني لإفادة العمر أيام قليلة
و الزمان ما معاه حيلة
ياخد منك أتاي و يعطي لك التشليلة
شلا وديان كانت طويلة
شلا وديان كانت طويلة
شلا رجال تخطفو مين يوم وليلة
هاد شاب
هاد طواه الغياب
هاد عضامو في التراب
هاد ما بقا فيه غير الناب
و المهدي ما لقاو ليه جواب
شي عايش فوق السلك
و شي طاويها في العذاب
عقلتو على ناس الغوان
و لمشاهب و لرفاك
و مسناوة و السهام
و جيل جيلالة
دارو حالة في الشمعة و الدمعة سيالة
واش عقلتو على الهيب هوب و بو غوفالة
و سمورق و البوب و الروك
اليسار كان شاعل و النقابة خدامة
متلا موجات دازو
كل واحد ينغز بمنغازو
و ياكم تنساو
راه لي ينسى ما يتعلم و ترجاو الخير
راه كون رامت دوم الغير
واش عقلتو على لعواشر
الحنة و الطقاشر و المعقودات
باغين الرجالات
كنت الى بغيتي تشوف لمرا
خاصك تجيب فقيه و كتاب
و مدبوحة و دير الصواب
و دابة اراما تشوف
كل شي مكشوف
باقي نعقل
شاف فيها و صقل ما قدر يقول ليها نبغيك
و سايفط ليها مرسال و عاود سايفط ليها مقال .
وتم المراد
ودارو الولاد
هكدا كان الحب فيه السر
واش عقلتو
كانت الجماعة تحكم
وفي الدرب ما تلقى مضلوم
الكبير كلمتو مسموعة
والصغير في حماية الجيران
لي فرح نفرحو ليه
وفي الخزن يلقانا
واش عقلتو الزمان ماكانا
يوم ليك ويوم عليك
يوم يسر ويوم يضر
يوم تفرح ويوم تنوح
يوم ضاحك ويوم مجروح



سعيد الشفاج الدار البيضاء 07-09-2010
الرجوع الى أعلى الصفحة اذهب الى الأسفل
عفاف المصلوحي الكاري




عدد المساهمات : 32
تاريخ التسجيل : 16/03/2011

واش عقلتو- سعيد الشفاج Empty
مُساهمةموضوع: رد: واش عقلتو- سعيد الشفاج   واش عقلتو- سعيد الشفاج I_icon_minitimeالإثنين 9 مايو - 11:41:50

رائع جدا انك بكلماتك احييت فينا العادات والتقاليد التي كانت وها نحن نراها تعود من خلال قلمك العبقري وريتك الواسعة اتمني لك التوفيق
الرجوع الى أعلى الصفحة اذهب الى الأسفل
AKADDAR mohamed




عدد المساهمات : 5
تاريخ التسجيل : 16/05/2011

واش عقلتو- سعيد الشفاج Empty
مُساهمةموضوع: رد: واش عقلتو- سعيد الشفاج   واش عقلتو- سعيد الشفاج I_icon_minitimeالإثنين 16 مايو - 13:19:15

السلام عليك اخي سعيد
اعجبتني طريقة سردك ,اد تحس ان هناك ترابطا بين الابيات
الا انه حبدا لو وظفت شيئا من الجماليات الشعرية
مثل المجاز و....و....و
و شكرا على القصيدة
واتمنى ان لا تبخل علي انت كدلك بنقدك لقصيدتي

كيد النسا
الرجوع الى أعلى الصفحة اذهب الى الأسفل
naoual el mabrouk




عدد المساهمات : 5
تاريخ التسجيل : 18/05/2011

واش عقلتو- سعيد الشفاج Empty
مُساهمةموضوع: رد: واش عقلتو- سعيد الشفاج   واش عقلتو- سعيد الشفاج I_icon_minitimeالسبت 28 مايو - 9:28:25

لا يسعني إلا أن أقول لك:عقلنا وعقلنا واللي مااعقل ماعندو لعقل بلا ماتسولوا، ويكفيك فإحياء التراث عليك نعولوا.
الرجوع الى أعلى الصفحة اذهب الى الأسفل
 
واش عقلتو- سعيد الشفاج
الرجوع الى أعلى الصفحة 
صفحة 1 من اصل 1
 مواضيع مماثلة
-
» الحكمة من دلقوش الهبيل -سعيد الشفاج
» من قاع الورد
» حتيت لوسادة -زجل لسعيد الشفاج
» قصيدة حب في زمن الفايسبوك لسعيد الشفاج
» قليل من السينما - شذرات شعرية لسعيد الشفاج

صلاحيات هذا المنتدى:لاتستطيع الرد على المواضيع في هذا المنتدى
حلم المهرجان :: المسابقة الالكترونية للمهرجان الدولي للشعر والزجل-
انتقل الى: