عمرك ما كنت المبارك

عدد المساهمات : 4 تاريخ التسجيل : 23/05/2011

عمرك ما كنت المبارك
**
مش كف بالعتمة
إلي جالك
كان كف ؛ ودف ؛ وزفه
بهمة رجالك
كانت لمبة الزين (زين العابدين) شعلانه
كانت ثوره شرهانه
في دنيا
مش عامره
دنيا خربانه
وعيال تصرخ من الجوع
قرفانه .. قرفانه
محرومة هاي الناس
محرومة تجدد
تحت ألاواعي
لباس
ناسك
بدها الستر يا مبارك
ما بدهم لا خطبه
ولا شعارك
ناسك
كتلتهم ألظلمه
يا عنادك
فاكر نورك مكفيهم
لو بس تشوف بلاويهم
لو زرتهم مره
بتعرف منهم المرة
وانه الحلوة مش ليهم
كنت معهم الحاضر الغائب
ومن أجلك زادت بلاويهم
أولادك
ما كفتهم بلايينك
قاموا يقتلوا بضنى المصري
ومن أجل كرسيك
فزعوا عمى الكلاب
من زلمك النجسة
تنهش بقايا الحب
من ثرى البلاد

**
يا مبارك
أنا عربي فلسطيني
من غزه كان صوتي
أصرخ يا مبارك
لاقيني !! لاقيني ؟
عدوا الله
اخذ ارضي
واعتدى على ديني
كنت تقول
صوت الملايين تلهيني !!
فكري انه الملايين شعبك
وأنا على فهمي
احترت منك !!
جوع الناس كان همك
ولا جمع ألملايني ؟
يا مبارك أنا مرتي مصريه
عربيه
ومن سينا إلى غزه ملعب أولادي
تصاهرنا
وكل مصري
مخول ولادي
صرت أخجل من أخبارك
احترت بكره
كيف أقول لابني بعرسه
مبارك .. مبارك
**
سكرت لحدود وكبر ألمي
والجوع كوى ولادي
خفت ألواد يدور على خاله
ويقسم الخبز دوى لحاله
يا مبارك يا شومك
كان هيك ردحك
بالعصا تلاقيني
تعاديني

تمنع هوا ربي بدمي
وشراييني
يا مبارك .. روح
روح انته مش وحدك
خذ ذنبك على جنبك
خذ أعوانك
مع جراذينك
لا شعبك بحبك
ولا إحنا العرب
مسمحينك
**
حازم البلعاوي – عمان ألأردن