جي نعاود ليك : غتاصبوها و تكرفصو عليها و صوروها

جي نعاود ليك : غتاصبوها و تكرفصو عليها و صوروها



غتاصبوها و تكرفصو عليها و صوروها

متابعة/ بلا فران

أجلت الغرفة ديال الجنايات الإبتدائية بالراشدية،النظر فواحد الملف ديال الإغتصاب،قام به خمسة ديال الدراري في حق فتاة.

و القصة نعاودها ليكم بحال شي حجاية،قاليك المغتصبين كانوا كيلعبوا الكرة فواحد التيران فالليسي،

وشافوا واحد الدرية غادية بوحدها مجيهت واحد الواد،وبقاو تابعينها تا وصلات الواد،و شدوها و قرروا إمارسوا عليها الجنس،إوا بداو كيتناوب عليها واحد مور لاخور و تايصورها،بكاميرة ديال البورتابل و سجلوا عملية الإغتصابة كاملة.و طالقين الموسيقى قاليك باش تعطي واحد الصبغة بورنوغرافيا للفيديو ديال الإغتصاب.

الغريب في الأمر هو أن ماشي الضحية لتقدمات بشكوى ضد هاد المغتصبين،و الإعتقال ديال دوك الدراري جا بعد نشر الشريط ديال الإغتصاب على موقع يوتيب،ونتشر وسط بين شباب لمدينة،ونتاشرات معاه الإشاعات،وكل واحد تا يقول بلي فلانا بنت فلان هي لتغتاصبات،تا ناض واحد السيد قدم واحد الشكاية مفادها أن إشاعات تروج حول بنت عمه،و كيقولو عليخها بأنه تم الإغتصاب ديالها و تصويرها،هادشي لجر لتحقيق فهاد القضية ووصلو لضحية و دوك لمساخط لغتاصبوها.

هاد الحديثة كتوصلنا لبزاف ديال الأمور أولها الغريزة الوحشية عند شي وحدين و العقد لكيعانيو منها هاد الوحوش البشرية حيث كيديرو الجريمة و كيزيدو تشويه بالضحية و فرحانين زعما.

و ثاني حاجة هو الخوف ديال الضحية من التبليغ على عملية الإغتصاب،وهادي خايبة بزاف محيت غتخلي وحدين أخرين يغتاصبوا بناتنا و خوتتنا.
المهم لبلاد ما ولا فيها ما يعجب الله يحفظ و صافي