حلم المهرجان
حللتم أهلا و نزلتم سهلا في الموقع الرسمي للمهرجان الدولي للشعر والزجل ، بتسجيلكم في الموقع تصبحون تلقائيا أعضاءا في "فضاء الشعراء" أكبر فضاء عربي يضم شعراء العالم . الرجاء اختيار رقم سري مكون من الأرقام والحروف حتى يصعب تقليده .


منتدى ثقافي فني إعلامي شامل((((((((( مدير و مهندس المنتدى : حسن الخباز ))))))))))
 
الرئيسيةالتسجيلدخول
لنشر اخباركم ومقالاتكم تسجلوا في المنتدى أو تواصلوا معنا عبر الواتساب +212661609109 أو زوروا موقعنا الالكتروني الرسمي
eljareedah.com
لنشر اخباركم ومقالاتكم تسجلوا في المنتدى أو تواصلوا معنا عبر الواتساب +212661609109 أو زوروا موقعنا الالكتروني الرسمي
eljareedah.com
لنشر اخباركم ومقالاتكم تسجلوا في المنتدى أو تواصلوا معنا عبر الواتساب +212661609109 أو زوروا موقعنا الالكتروني الرسمي
eljareedah.com

شاطر
 

 كولوباز : حركة تكشبيلة توليولا

اذهب الى الأسفل 
كاتب الموضوعرسالة
منتدى حلم المهرجان
Admin


عدد المساهمات : 3460
تاريخ التسجيل : 20/07/2010

كولوباز : حركة تكشبيلة توليولا  Empty
مُساهمةموضوع: كولوباز : حركة تكشبيلة توليولا    كولوباز : حركة تكشبيلة توليولا  I_icon_minitimeالجمعة 11 فبراير - 18:09:23

كولوباز : حركة تكشبيلة توليولا



كولو باز '3'



حركة تكشبيلة توليولا



بستيلو/ عـادل الزوبري

golobaz@blafran.com



من بعد ثورة تونس اللي بداها البوعزيزي و انتهت بفرار زين الهاربين بن جري، بان في مصر وائل غنيم اللي فتح واحد الكروب فالفيسبووك كيطالب بتغيير النظام و اللي لحد الان يتضح بالملموس أن مبارك أصبح في خبر كان، بفضل نجاح مضاهرات شباب مصر واللي دارو يد فيد و اخرجوا يعبروا عن رأيهم وبقاو صامدين و مصرين على مطالبهم و كما كان متوقع أن هاذ الزوبعة غادي الدّوز لدول عربية أخرى اللي تراجع مستوى الإقتصادي ديالها و اللي عايشين فالحكرة و فعلا هادشي اللي كان ناضوا شي وحدين فالجزائر حرقوا ريوسهوم و فتحو كروبات فالفيسبووك كيطالبو بتغيير النظام لكن النظام عندهوم قاصح شوي حيت مازال مادارو والو.



أما عندنا فالمغرب الروينة نايضا و مبقينا فاهمين والو شي كيقول كحل وشي بيض، وهاد الروينة منوضينها غير واحد الكمشة فالفيسبووك شي داير حركة تكشبيلة وشي رد عليهم بحركة تيوليولا، حركة تكشبيلة اللي هي 20 فبراير حاطين فالشعار ديالهوم الشعب يريد التغير وعدد الأعضاء ديال هاذ لكروب لم يتجاوز 6200 عضو الى غاية كتابة هاذ السطور وهاذ ستّالاف و ميتين اللي قلنا كل واحد منهم دار كروب بنفس الاسم غير زاد ليها فرع مدينتو، لدرجة أن عدد الفروع اللي كاين لهاذ لكروب تجاوز عدد المدن المغربية، و ربما فالساعات القليلة غادي نشوفو كروب لكل حومة و حي، واش هاذوا هما الشعب اهنا كيبان لعب دراري و صافي والسوق خاوي، ومن بين الأهداف ديال تكشبيلة منح الجهات حق تسيير شؤونها الذاتية، إقرار دستور ديموقراطي يتيح استقرارية القضاء و فصل السلط و إسقاط الحكومة الفاسية... هي مطالب مشروعة ولكن فين هي أرضية العمل على هاذ المطالب و احنا شعب معروف علينا كنقولو حيّد على راسي و شقّف، و عدد كبير من أعضاء ديال هاذ لكروب داخلين ليه غير باش يشوفو اش كيتقال تما و مغديش يستاجبوا لدعوات المشرفين على لكروب و كاين فيهم لمخازنية اللي كيوصلو لخبار للقايد مكيزكلو تّ و زّ.



التكشبيلة خذات واحد صدى اعلامي اكثر ما كتستحق، والصحافة ديالنا كلها يلغي بلغاه، كاين اللي قال هاذ الحركة من صنع الجزائر و البوليساريو لتشويش على نظام لبلاد، و البعض قال أن أسامة لخليفي زعيم ديال التكشبيلة بغا غير إبان و يتعرف باش أما كان، بحيث سبق ليه انخرط في حملة لحرق القران الكريم و اقحم الكنيسة المغربية فهاذ القضية، لكن مصدقاتش ليه و الكنيسة تبرّات منّ فشي بيان توزع على الصحافة المغربية، و أيضا بانو شي تسجيلات صوتية ديالو فالبالتوك كيقول أنه لا يعترف بالصحراء المغربية و أنه كيفتخر بالديانة المسيحية....



و المثير للإستغراب فهاد لحريرة كاملة هي الخرجة اللي دار وزير التبراح المغربي فشي ندوة قال أنه يتم التعامل مع دعوات للتظاهر عبر الأنترنت بكثير من الاطمئنان، على أساس أن هاذ الأمر عادي بالنسبة للمغرب اللي فتح فضاء واسع للممارسة الحريات... زعما اللي بغا يخرج ينبح غير يخرج احنا مخيفينش، و فالشارع غادي يبان لخبار ديال بصح.



أما التيوليولا بانت نهار اللول بواحد لكروب فالفيسبووك و اطلقت دعوة المشاركة في مسيرة حب تكريما للملك محمد السادس، وكانت الدعوة على هاذ الشكل:

"في تونس أقيمت ثورة الياسمين وفي مصر جمعة الغضب وذلك لكسر قيد القهر والظلم والإطاحة بالطغات، والآن نريد من كل مغربي المشاركة في مسيرة لتكريم ملكنا العزيز، لحبه لوطنه وشعبه والسهر على تنميته و لنرسل رسالة لكل الحكام : الطاغية جزاؤه يوم الغضب و الخلع أما الصالح الذي يخدم بلاده جزاؤه مسيرة المحبة والإخلاص" لكن هاذ الكروب اختفى و ما شفنا والو غير الهضرة الخاوية



من بعد هاذ المجموعه الأولى بانت مجموعة أخرى عندها اسم جميعا ضد حركة حرية و دموقراطية الان، و اللي حتى هي عدد الأعضاء اللي فيها قليل بزاف واللي الهدف ديالها باين من الاسم.


الحاصول الى جمعنا عدد الأعضاء ديال هاذ لكروبات كاملين و نقارنهوم مع عدد المغاربة مستخدمي الموقع الإجتماعي الفيسبووك غادي نلقاو عددهم قليل بزاف، وكيتضح أنه غير تبرهيش و لعب الدراري صغار، و خاص التفكير في استراتجية عمل أفضل و التنيسق مع الفعاليات المهتمة ودراسة للمطالب و أي خطوة قبل القيام بها. ماشي نشعلو الحرب فالفيسبووك و احضيني نحضيك و ننساو الأهم.
الرجوع الى أعلى الصفحة اذهب الى الأسفل
https://festival.7olm.org
 
كولوباز : حركة تكشبيلة توليولا
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
حلم المهرجان :: بالدارجة تاعرابت-
انتقل الى: