سامحني أخالي بوش
والله ما قي نعاود
نهدي ليك المال
والشيخات
وميا وميات عَود
وسامحني والله ما باقي نعاود
ضــرب... ضــرب..
لبغيتي تضــرب..
كلشي يتبعك..
ضــرب.. وعنداك تضرب صبعك....!
ضرب كلشي..
ضرب گَاع لي خاونك..
حق الطعام والبزيزيله تانعاونك..
........
الاّ..هاداك شي لكديرو انتوما ماشي إرهاب
انتوما احباب واصحاب..
حنا لي إرهابيين..احنا
احنا غير تهنا..
احنا لي خاصنا لعصا..
حنا ..غير اتهنّا...
حيث لعصا خارجا من الميريكان..
ماشي من الجنا.
ضربونا نتساهلو..
حنا معدناش الحق نضربو..
معدناش الحق نهربو...
حنا شارات ضربونا..
حنا فيران رهبونا..
گَمحكم زين..جربناه فالطحين..
حكمكم حنين..جربناه فدول اخرين..
غير ضربونا نتساهلو..
حنا لي معدين...
حنا لي ظالمين..
حنا لي ضاسرين...
غير ضربونا نتساهلو..
تا رمضان أخالي بوش لبغيتي منصوموهش ..منصوموهش...
وحتا لي مات مانغسلوهش..
ماندفنوهش..
وانتوما
غسلو مواتكم..صليو اصلاتكم..
وقريو عليهم...واتاتكم..
غير حاجة ماتديروهاش..
راه مانقبلوهاش..
تقيدونا في الكناش..
واليوم بسلاما... أخالي بوش
وتفكر دوك لنعوش...
وبسلاما..
حسنتي لينا بلا ما
وتعلمتي لحجاما فريوس ليتاما..
بسلاما..ومرحبا بعمي أوباما
والله يتاوي اللاما..فلربما..ربما..
ترجع العروبه والكرامه..
وما تنساوش باقا فردة اخرا..
غير يتافقو العُلاما...
محمد عابدي رشيد خريبكة
موضوع: الخــــــــــــواف 
الثلاثاء 20 يوليو - 20:16:09
