[img(280,54)]
[ندعوك للتسجيل في المنتدى أو التعريف بنفسك لمعاينة هذا الرابط] شوف وتمعن في الحكاية يا فلان
حكايتي حكايتك يا إنســـــــــــــان
حكاية
بدايتها من زمـــــــــــان
يوم كنت لحمة فتوب الكتــــــــــان
بقدرة قادر رحمــــــــــــــــــــان
كبرتي وفتحتــــــــــي الاعيــــــان
سهرتي الميمة غمراتك حنـــــان
ولدي سخون ينبت الاسنــــــــــان
دارت الايــــــــــــــــــــام دوران
كبرتي توصل الخبــــــــز
الفران
درتي فرقة مع ولاد الجيــــــران
فالحومة عملتـــــــــوا ثــــــــيران
لعبتوا الكرة وعود الدخــــــــــان
لعبتوا في الوطا والجبال والويدان
جري
وتنقــــاز وعومـــــــــــان
واحد اجتهد وقرا مزيــــــــــــان
واحد يبيع البيض فالكيـــــــــــران
واحد حرك ومشى الطاليـــــــان
تفرقت الأرزاق بلا مــــــــــيزان
فرعنتي لفلوس دارت ليك شـــــان
نسيتي الأيـــــــام ولي كـــــــــــان
يوم كنت لحمة فتوب الكتـــــــان
يوم كنت تلعب وتجري حفيــــــان
نيوفك سايحة سيحـــــــــــــــــان
فرعنتي والوظيفة دارت ليك شـان
نسيتي شعالة وزمزم والرشـــان
بيبان الدرب صاروا كــــــــــــوان
دارنا هي داركم وجميع ديور الجيران
فرعنتي والطاليان دار ليك شـان
الحديد متنوع نوفوا ولاصـــــــيان
نسيتي القصبة فركبة الحصـان
نسيتي تغنجة و ركاب السلطـــــان
نسيتي المصاصة وجبان كولوبان
تأكد وتيق مادامت
لاســـــــــان
فين سلطان فرعون
وهامان
فين ملك بلقيس
وسيدنا سليمــــــان
تأكد وتيق مادامت
لانســـــــــان
لاتخون ولاتنسى
أيام زمــان
أعمل الخير والإحســـان
لاتكن ساهل فيد
الشيطان
أولك فخرقة
الكتــــــــــان
و مصيرك لثوب
الكتــان
شوف و تمعن
حكايتك يا فلان
حكايتي و حكايتك
يا إنسان
[b]يا
إنســــــــــــــــــــان[/b][b][/b]
[b] [/b]
[b]يا
إنســــــــــــــــــــان[/b]
[b] [/b]
عبد الرحيم نافع