جراح لقلوب

جراح لقلوب

اليوم ا وعدي ليوم
تقاصى جهدي
هذا حدي ما بقى والو عندي.
تبعتي لقلوب الكذابة
وأمشيتي على عينيك ضبابة
ما عرفتيش بلي حنا وسط غابة
إلى ما كنتي ذيب ياكلوك الذيابة.
و الجراح مشات او جات
ما صبحات ما مسات
لقات قلوب الناس صدات
و الفرحة وسط حوتهم تشردات
لعبتها كانت محبوكة
ركبتهم موج الهم أو غرقات بيهم الفلوكة.
روايتها كانت مسبوكة
أو في حقيقتها كانت مشكوكة.
ها فرحي أنا لقيت اليوم قلوب مزيانة
من لغدر هربانة
على هادوك الشمايت غضبانة
ديما مبسمة أو فرحانة
بغيت نعرف واش نفوس السفاحة
عايشة مرتاحة
فين ما مشات تنهي عمر تفاحة
كلام الحق جراحة ذباحة.