ما تقيس بلادي زجلية لمحمد موكار

ما تقيس بلادي

سير فحالك
بعد لهيه
ما تقيس بلادي
ما تقتل ولادي
هي أرض جدادي
المغرب عندو ماليه
سير فحالك
بعد لهيه
لا تخلي دموع تطيح
لا تخلي يتيم
يبكي ويصيح
على اباه أقتلتيه
سير فحالك
بعد لهيه
لا تدي ذنوب مرا
راجلها نسفتيه
بقات شادة حق الله عليه
سير فحالك
بعد لهيه
لا تدي دعوة ولومة
من أم مصدومة مكلومة
وليدها فجرتيه
سير فحالك
بعد لهيه
لمغاربة كلهم أحباب
مقاسمين لمحبة والصواب
والمغرب نموتو عليه
سير فحالك
بعد لهيه
بعد من الشيطان
لعنو وخزيه
علاش الإرهاب
وعلاش غواك بيه
المغرب بلاد لبرار
ما فيه قتالة
ما فيه أشرار
بلاد العقال
ناسو أخيار
كلهم فضال
رجالة أحرار
للقدام سايرين بيه
سير فحالك
بعد لهيه
حاشا المغرب يتضر
والملك يدور فيه
فكل جيهة يعمر
بالمشاريع يبنيه
التقدم والتنمية
الحكمة والتوجيه
ربي حافضو من لأدية
وشعبو بالمحبة باغيه
واللي بغا لامان والسلم
فمغربنا مرحبا بيه