يا حجاج

يَ[center]ا حَجَّاجْ
عبدالرحيم الراشدي
لَلَّهْ يَا حَجَّاجْ بِيتْ اَللَّهْ
لَلَّهْ أَدِّيوْنِي مْعَاكُمْ لَلَّهْ
نْطُوفْ بَالْكَعْبَةْ بِيتْ اَللَّهْ
نَوْقَفْ بْعَرَفَاتْ وُنَصْدَحْ بَدْعَاهْ
نَرْمِي الْجِمَارْ وُنَرْجَمْ عَدُوْ اَللَّهْ
لَلَّهْ أَدِّيوْنِي مْعَاكُمْ لَلَّهْ
نَقْرَا اَكْتَابُو بَاسْمْ اَللَّهْ
لَبَّيْكَ اللَّهُمَّ لَبَيْكَ
إِنَّ الْحَمْدَ وَالنِّعْمَةَ لَكَ وَالْمُلْكْ
لَا شَرِيكَ لَكَ لَبَّيْكْ
اَللَّهْ اَللَّهْ
أَنْزُورْ قَبْرْ رَسُولْ اَللَّهْ
أَنْشَبَّكْ وُنَطْلَبْ ف َرْجَاهْ
اَلرْسُولْ خِيرْ مَا خْلَقْ اَللَّهْ
لَلَّهْ أَدِّيوْنِي مْعَاكُمْ لَلَّهْ
أَنْزُورْ أَلْمَدِينَةْ تَمَّا نَلْقَاهْ
أَنْشُوفْ زَمْزَمْ وُنْعَبْ مَنْ مَاهْ
َيا نَفْسِي طُوفِي وُلَبِّي
يَا نَفْسِي اَدْعِي وُطَلْبِي
اَللَّهْ اَللَّهْ
رَاهْ حُبُّو مَالَكْ قَلْبِي
هُوَ شْفِيعْنَا عَنْدْ رَبِّي
اَللَّهْ اَللَّهْ
لِيهْ شُوقِي وُحُبِّي
بِيهْ يَتَّغْفَرْ ذَنْبِي
اَللَّهْ اَللَّهْ
بِيهْ يَتْسَالَا رَعْبِي
يَانَفْسِي مَنُّو قَرْبِي
اَللَّهْ اَللَّهْ
لِيهْ سْلَامِي وُلِيهْ حُبِّي
اَللَّهْ اَللَّهْ
الرباط 16/04/2011