الحكمة من دلقوش الهبيل -سعيد الشفاج

جيبي لي وريدةنجيب ليك شلا نوار.
جيبي لي ضحكة من جبين ناصع وسالف قاطع بحور
نجيب ليكبابا عيشور
هاز معاه مرفودة مكيودة
جيبي لي رضا نرضى عليك دنيا ودين
ماكين ما حلا من شوفت العين للعين
لما تكون المحبة تابتة والخاطر زين
جيبي لي كبة النحل
نجيب ليكمنو عسل
يداوي الخصام
جيبي لي كليمة صغيرة
نهديك من الهوى عرام
غير جيبي
نجيب ليك من السوق
اللويز والمضمةو البرقوق
جيبي لي العشور
ماشي فلوس
بغيت النور اللي طالع من وجه مبشور
جيبي لي حتيت الوسادة غير تكون فيه الافادة
جيبي لي الحشمة لما تخبى
في الرموش
جيبي لي الفجر
لما يطلع من عيون ناعسة
نجيب ليك دعاوي الخير
مولانا يسمع ويدير
تاويل المحبة
المحبة ما تباع ما تشرا
والكية ما تبرا
جيبي لي الهدية
مجرورة في حصان
نجيب ليك قلبي فتان
جيبي السينية والكاس
نهديك خنشة عامرة احساس
غير جيبي
لي ثقال يهزو الخاطر
بحال النادر لما يسترو التراب
خلينا قراب بحال الضل مايخون مولاه

سعيد الشفاج البيضاء