كيفاش نحاربو الرشوة

عدد المساهمات : 1 تاريخ التسجيل : 28/01/2012

كيفاش نحاربو الرشوة

كالك أسيدي خاصنا نحاربو الرشوة

كيفاش نحاربو الرشوة راه كاين ناس عايشين بها
كيفاش نتغلبو عليها راها حتى هيا بماليها
دوك اللي عايشين بها ويموتو عليها
الحياة بالنسبة ليهم ما تهناش بلا بها

كالك أسيدي خاصنا نحاربو الرشوة

كيفاش نحاربو الرشوة أو صحاب القانون متعاطيين ليها
بفامهم كالك حاربوها ولكن قلوبهم معاها
خايفين على راسهم وعلى ديك المشاريع اللي تبنات بها
كيعبدوها كروش لحرام كل صباح اكبلوا عليها

كالك أسيدي خاصنا نحاربو الرشوة

كيفاش نحاربو الرشوة أو هي رامية علينا سمومها
في كل حي بانيا دار وفي كل ادارة ناشرة عينيها
حتى ناس كبار غطسو حتى لركابهم فيها
في كل جهة مترصدين اصيدو المساكين بها

كالك أسيدي خاصنا نحاربو الرشوة

كيفاش نحاربو الرشوة وحنا عارفين مصير اللي تجرأ عليها
ما تجي تنطق بالكلمة حتى تكون مشيت فيها
واحد قال لا للرش رشوه بها
طوا ديك اللافتة أو زاد أو قال اللي ليها ليها

كالك أسيدي خاصنا نحاربو الرشوة

كيفاش نحاربو الرشوة أو حنا مختلفين في كل جهة
خاصنا نوقفو وقفة وحدة ونحاربو هاد العاهة
ونفكرو فروحنا مليح ونفكرو فالموت واللي موراها
ونديرو الخير باش نفوزو يوم القيامة بالجنة أو ماها