قال إنه لقي تجاوبا كبيرا في الشارع المغربي ، صاحب محل "سكس شوب" : لدي ترخيص من وزارة الصحة .

أجرى "بلا فران " حوارا مع مالك محل "سكس شوب" الذي أثار جدلا بالمغرب عامة والبيضاء على وجه الخصوص ، ونظرا لأهمية الحوار نعيد نشره تعميما للفائدة .
حسن الخباز – هبة بريس

بلافران تلتقي صاحب محل "سكس شوب": تجارتي تدخل في إطار "الفارما سيكسيال" و لدي ترخيص من وزارة الصحة


بلافران/تقرير وليد نصر/ بعد رواج عدة أخبار عن إفتتاح محل يقوم ببيع منتوجات من أجل التقوية الجنسية ، وكريمات ، ومراهم ، وخلف كل هذا تباع أعضاء تناسلية بلاستيكية كما تناقلته عدة مواقع إلكترونية ،و كذلك العديد من الصفحات في الشبكات الإجتماعية ، قام طاقم بلافران بزيارة للمحل من أجل البحث عن الحقيقة،و باش ناخذ الرأي الأخر و نشوفوا معلومات من عند مول هادشي،قابلنا صاحب هذا المشروع ، اوتحدث معنا بصدر رحب وبكل ثقة في النفس..... شاب من الجالية المغربية المقيمة بالخارج ، إستهواه هذا المجال وأراد أن يدخله بخطى قانونية وصحية ، و هدفه في نفس الوقت الإستثمار في المغرب ، وكما يقول بلسانه ، " بغيت نلقى حلول للمغاربة اللي كيعانيو من مشاكل جنسية "... عند أخذنا في الكلام وتجاذب أطراف الحديث معه ،بدأ يحكي لنا :

لقيت تجاوبا كبيرا من طرف الشارع المغربي ، والناس حيدوا منهم عقدة التكتم وخصوصا الذين يعانون هذه المشاكل ، وباحوا لي بمعاناتهم، ووجدت لهم حلولا من أجل تخطي أزماتهم، وأريد التأكيد على أنني حاصل على التراخيص اللازمة من وزارة الصحة ، وأنا تاجر ، ومسير شركة للإستيراد والتصدير ، وبما أن نجاعة هذه الأدوية والكريمات والمراهيم مثبة في أوريا ، ونظرا للحرص الشديد لوزارة الصحة المغربية على سلامة تلك المنتوجات، وعدم إضرارها بالصحة العمومية ، قررت نبدا نشاطي فيالدار البيضاء وافتتحت المحل بعد إكمال الإجراءات القانونية بداية شهر يناير ، حيث كانت كل شيئ على مايرام ، وما كان عندي أي مشكل مع السلطات ،أناغي بغيت نقنن هاته الأشياء ، وأن أضع عليها طابع المصداقية والجودة، حيث فالحلاقي في كل المدن نجد أشخاص يقومون ببيع مواد للقوة الجنسية ، ومواد وأعشاب لتفادي سرعة القذف، هي مواد مجهولة الهوية ، أعشاب ضارة وغير صحية فقط ب 5 دراهم ، ولشفاء جميع الأمراض إبتداءا من السرطان ب 5 دراهم ، علاش هاد الناس اللي دارو الضجة عليا وعلى منتوجاتي المجربة والصحية ، والتي لا تتعارض مع صحة الإنسان ممشاوش للأسواق والحلاقي باش يمنعو هاد التجار اللي كيفرشو حصيرة ويبيعو كل شيئ وكيضرو بصحة المواطنين. احنا عندنا نقص في هاد المواد ، وعندنا ناس كيعانيو بقوة من أعضائهم الجنسية ومشاكلها ، ومكيقدوش يطرحوا مشاكلهم للنقاش ، أنا بعدا قديت نستمع ليهم على الأقل ونقدم ليهم حلول ......


أش تتقول كرد على الناس اللي كيقولو أنك وراء هاد التجارة، كتبيع أعضاء جنسية بلاستيكية؟؟؟

هادي غير إشاعات الهدف منها التضييق على المحل ومنتوجاتي ، وتشويه السمعة ديالي . أنا كنقوم بهاد النشاط دون أدنى حرج، وكنعتبر راسي كنسدي خدمة مهمة للعديد من الناس، واللي بعت ليه أعضاء بلاستيكية يجي يواجهني ؟؟؟ للإشارة فهاد الأعضاء ممنوعة فالمغرب وكما قلت لأن وزارة الصحة تحرص على الجانب الصحي للمواطن المغربي ، وبيناتنا ، واخا كون خديت رخصة باش نبيع هاد الأعضاء الجنسية البلاستيكية ، منقدرش نتجرأ ونبيعهم أخويا ، حيث فيها إحراج ، وصعيب على الثقافة ديالنا . بغيت غي نقول ليك أن هناك ناس كيقومو بعمليات جراحية للتجميل والتكبير وكتكون فيها نسبة من الخطورة على صحتهم ، أنا أقول أنني مكنآديش صحة المواطن.


شنو نوع الأدوية والكريمات اللي عندك؟؟.

هناك أجهزة أصلية لتكبير القضيب ، مجربة وصحية ، ولا أضرار جانبية فيها وهناك كريمات للذهن ، ومنتوجات لتأخير القذف بالنسبة للناس اللي كيعانيو من القذف السريع ، وأدوية من أجل الزيادة في القوة الجنسية ، وهذا كله مجرب ، وله نتائج جد جد إيجابية . وبالنسبة للنساء هناك كريمات لتكبير وتخسيس كل الأعضاء ، وأكياس على شكل مستحضرات الشاي تتكون من أعشاب طبيعية ، ومكمل غذائي من أجل السخونة الجنسية. ومواد من أجل إزالة السواد في مناطق الجسم كالإبط وغيرهاوملابس داخلية، شنو المشكل فهاد المواد ، اللي كاينين هناك أناس كبيعوها دون ترخيص ، وبأشكال غير مقننة

فنظرك شنو السبب اللي خلى بعض الناس دير هاد الضجة و تهاجم المحل؟؟؟

يبتسم صاحبنا ليرد ، الإسم هو اللي نوض عليا الفضوى " سكس شوب" وذنبي أنني بغيت نتقن الفكرة ونسد الباب أمام الحلايقية اللي كيعطيو سموم للمغاربة ، هاد النوع من التجارة تدخل في إطار ،" الفارما سيكسيال"، وكون سميت سمية أخرى غير مثيرة بحال هاد الإسم مكانوش هاد الأطراف غادي يهاجموني ، ومننساش أن هناك ناس كثيرة تشجعني وتتمنى لي التوفيق.

حاليا مازال في محلك تتمارس العمل ديالك ؟؟
بصراحة لا ، المحل سديتو هادي 3 أيام، ولكن لازلت أشتغل وأبيع منتوجاتي ، وأوزعها على أصحابها تال عندهم دون مشاكل.

شنو هو الميصاج اللي تبغي توصل للناس منهم اللي رافضينك واللي قابلينك ؟

عندي ميصاج وحيد ، هو أنني أريد أن أعطيهم أفكار جيدة وجديدة من أجل معالجة مشاكلهم الحقيقية ، وأقصد بالمشاكل الحقيقية ، المشاكل التي تجعل الإنسان يكون غير قادرا على عيش حياته الجنسية الطبيعة . أي مشاكل حياتهم واقفة عليها .

شكرا لإستقبالك و لهاد الوقت الذي خصصته لنا
العفو ، وأنا رهن الإشارة للإجابة عن أي تساؤلات لديكم
[img][/img]