الإنسان والحياة

عدد المساهمات : 4 تاريخ التسجيل : 15/04/2011

اللي احرث الأرض
احصد غلتها واجناها
واللي اتكتبت اعليه خطوات مشاها
ابغاها ولا ما بغاها
واللي اجمعها حتى اجمعها
امشى وخلاها
هادة هو حال الدنيا
ما ديام فيها غير مولاها
فكر ف حال الدنيا
ورد لوديعة لمولاها
فكر ف فناها
الدنيا عزيزة
وعز منها اللي خلقها وارعاها
ابسط الأرض وارفع اسماها
سخر ليك غنمها وابقرها وجمالها
واعرف كيف يضبط ليلها مع نهارها
فوق الأرض خيرات كثيرة تسلبنا ببهاها
وف جوفها كنوز ذهبها ومرجانها
إلى بغات تجي
تشربك اعسلها وعذوبة ماها
وإلى ابغات تمشي اتقطع احبالها
ما تعطيك حتى ثانية الثوب فيها من بلاها
اخلق جادبية امرسياك ف الأرض
وشادة اقدامك بثرابها
طعمك ف بطن أمك
وحفضك ف جوف ارحامها
ارعاك حتى اخرجت وشفت اضواها
ازرع لك احليب يشبه النقرة ف صفاها
خير الله اكثير اعليك ياالغافل
يا العايش وناسي للصلاة اوقاتها
رد بالك كل من عاش فيها
امشى انساتو وانساها
حقو ف الأرض شبر مهما كبر شانو ما يتعداها
احسب احسابك ووفيه
قبل ما الموت تاخدك بلا شوارها
لا تكون من اللي اتفتنوا وامشاوا معاها
عيش دنيتك وآخرتك لا تنساها.

» الدنيا دار اختبار لنا والحياة طريقنا إلى النعيم أو الجحيم‮ ‬
» استسهلت طريق الخطيئة لأعيش الترف والحياة الرغيدة
» فوائد القرآن على صحة الإنسان
» القنبلة الذرية ومصير الإنسان
» باحثون: اتقان لغتين يزيد ذكاء الإنسان