سولوني شكون انا
قلتليهم انا بحالك انت و انت انسانة
غير انا بيتا نفكر في الدنيا سهرانة
اللي خلاتني بفعايلها حيرانة
وانتوما نعستو وتغطيتو بلعبانة
ظنيتو الدنيا رمانة
احسبتوها حلوة و اشريتوها بلا ضمانة
و هي من عند الله امانة
مرة تولي حلوة تخلي ناسها فرحانة
مرة تولي مرة تخلي قلوبهم زعفانة
يا ناعسين يا مالين لعقول يا خالتي منانة
فيقو بركة من نعاس حلو عينيكم وفكرو بالرزانة
الدنيا ماهي دايما و قريب نرجعو عند مولانا
الدمعة زايلة ولفرحة ماغادي تبقا معانا
يا نايمين حتالين غادي نبقاو مخابين من الدنيا تحت غطانا
الشيطان يضحك علينا بوسواسو و للشر بغانا
لله رجانا الدنيا ماشي رمانة
الشيطان صورها لينا حلوة باش نتبعو هوانا
وينسينا في دينا اسلامنا اللي هو دوانا
هادي هي انا
بيتا نفكر في الدنيا سهرانة
حتى تفيقو و تعرفو علاش انا حيرانة
و لنومكم انا غضبانة
شيماء الميس "البيضاء"
موضوع: شكون انا سولوني 
الثلاثاء 20 يوليو - 20:25:20
