عالم الحب
فراشة طايرة فجنان باهي بجمالو
من شوفة تحس بالأمان أوكل الناس داخل لو
فدروب الجنان الطير أوريك من فام عليها سالو
تبري عل الحب ماعارفاشي بلي ليه من الجنان شالو
عالم الحب مبقاش حب باقيين دياب بصيفة بنادم كلشي عل الشهوة مالو
ليعندو أولي والو باغي غير إبين حالو
كلشي تابع المضهر أوالمخبي حد مدايرو فبالو
الحياة أقدار أوحد معارفشي بلي شنٌي مخبيا لو
القدر مقدر أوشحال من وحدة أوواحد مورة الضحك جاو الحزان أوعليهم هالو
ولاو فرائس فالهامش أوالدياب ليهم كالو
اليوم هنا اليوم الهيه القدر تقدر
باسم الحب كلشي يهون أوالكلام المعطر
كلمة فكلمة سدات العين فبيت ريوكو عليها تقطر
دقة بدقة ولات لعبة فيديه أوعليها تشطٌر
بدافع الحب ولات هي ليتابعاه أوعيونو فيها فيها محمٌر
ساعة غلط بلا ماشعر الشرف مشا أوقانون الفضيحة معلوم مسطر
فات لي فات شكون إحن شكون إقدر
زبالة المجتمع أوكلام كتير ففام عايش مسمر
عمر حد إعطف علاش العقل مكانشي محضر
كانت راكبة فسفينة هي لي بغات رمات راسها فبحر
باغا تعيش باغا تكتاشف أوبيديها حتاضنات الغدر
السفينة مشات البحر هاج باقا عيمان حتى توصل البر
ليوصلات ندمات أوبزاااف معمرين ديور الحمر
برمشة عين تبدل العالم لعالم الخوف
شافت الشمس مضوية لحضة لقات كوسوف
تبعات طريق مضلمة أوتقول كاينة ضروف
نسات شحال من فعال محرمة زماني زمان كلشي عادي عل الحرام الكل إيطوف
تسحابي راسك هيبة بين صحباتك عندك عشير العين كاينة أوالبصر مكفوف
هدا عندو هدا لباس ضاحكة علينا الوقت أوإبليس إيشوف
الجمال جمال الروح ماشي الموووضة كلشي مكشوف
أي فعل بسيط غايجي نهار بعنوان الندامة أوعالم الوحدة مخيم فرفوف
عارف بلي كلام الحب إخلي بنادم دمية فاليد بلا عنف بلا سيوف
لي تقدر وقع أوشحال فزناقي أولا فحبس مقدوف
فقلوب مكروه أومن عقول مقطوف
عارف شحال من وحدة فحياتها تصدمات
فصغرها تبرهشات أوفالكبر ندمات
أومن حلم أي بنت علاش تحرمات
ولات داوية وحدها فعقلها تمسات
علاش فلانة غير كالسة قالدار أوصغير تزوجات
وانا الزين أواللبس عمر أُم فييا سقصات
فين الحب فين العشران ليمعاهم مشات
دازت وقت هدي غير شهوة أوفحفرة دفعات
شحال عرفو بلي ميسواو والو كيف كانو ضانات
أو شحال عرفو الزواج من بعد غلط عمرو يكون محبوب أوعمر العيشة بعدو حلات
موضوع: عالم الحب 
الثلاثاء 7 يونيو - 6:02:10