زيزوار : مبارك مكيفهمش عربي

زيزوار : مبارك مكيفهمش عربي


بـسـتـيـلو/سـامـي الـمـغـربـي

مبارك مازال لاسق فالكرسي، الأسبوع تاني من الاحتجاجات و السيد و تقول حشم على عراضو و كايبالي راه معندو لاعرض و لا طول، كاين لي كايقول أن مبارك معا سنوات من التعامل و التحتريف مع إسرائيل، مبقاش كيفهم العربية .. داك شي علاش مفهمش المصريين منين قالولو سير دير شي حجة.

بحال لفهاما لي دار زين الهاربين. دابا مبقا لمصريين غير يهزو اللافتات و يكتبو عليها ارحل يا مبارك بالعبرية .. و شوف تشوف واش يفهم. و في الوقت لي رحبت الشعوب فالعالم اجمع بما يحدث في مصر و تونس، الا ان التلاميذ ماعجبهمش الحال، خاصة التلاميذ ديال الباكالوريا، و حاولنا نقلبوا على سبب هاد الاستياء، و لقينا انهم خايفين يزيدوهم جوج ديال الدروس فمادة التاريخ على الثورة المصرية و التونسية، او واحد فالجغرافية على التقسيم ديال السودان.